Shakespeare in the Park

Í gær sáum við A Midsummer night's dream í Central Park.

Miðana er hægt að nálgast samdægurs milli kl 1 og 3. Þegar við mættum daginn áður voru þeir allir búnir. Okkur var sagt að mæta kl 9 og bíða í röð. Næsta dag erum við mætt kl. 9 og þá þegar eru nokkrir mættir í röðina. Jóhanni fannst þetta hálfgerð klikkun að ætla að hanga þarna í fjóra klukkutíma, en ég var ákveðin í að sjá þetta verk og gat alveg eins lesið þarna eins og heima. Ég settist á gangstéttina og Jóhann fór að útrétta. Stuttu seinna kom hann með stól og vatn sem hann keypti handa mér. Þessir fjórir tímar liðu eins og skot og um eittleytið var biðröðin orðin töluvert löng.

Starfmaður sá um að gott skikk væri á fólkinu í biðröðinni, benti okkur á salernisaðstöðu og passaði uppá að enginn svindlaði sér inn í röðina. Mér fannst hún alveg eins getað útbýtt miðunum þarna þar sem þeir eru ókeypis, sýningin er í boði banka (nema hvað). En þá væri fólk sennilega mætt í röðina fjórum klukkutímum fyrir níu. Þeir sem vilja ekki fara í biðröð missa af leikritinu þvi það er ekki hægt að kaupa miða. Leikritið var fjörugt og skemmtilegt. Leikmyndin var fallega innrömmuð af upplýstum trjánum í garðinum. Mesta furða hvað vel gekk að skilja shakespeare-skuna.

Fyrir leikritið borðuðum við á Kúbverskum stað í Upper West Side sem heitir  Calle Ocho. Smart staður með góðum mat.

Hér eru myndir af mér í röðinni og af Jóhanni að borða medium sterkt guagamóli sem við fengum okkur um daginn. Það var svooo sterkt að það var næstum óætt. Hvernig skyldi hot guagamóli bragðast á þessum stað?

Skrár tengdar þessari bloggfærslu:

• Beðið á gangstéttinni
• ´Jóhann keypti stól og vatn.
• Medium guagamole

Athugasemdir

[Guðrún Jóhannsdóttir, 7.9.2007 kl. 15:49]

Ces´t la vie! 

Guacamoleið sterka mjög girnilegt og Shakespear in the Park meiriháttar. 

Ertu annars nokkuð komin með skype?

[Dóra Jóhannsdóttir (IP-tala skráð) 8.9.2007 kl. 11:07]

hæ mamma mín. Mjög skemmtilegt blogg hjá þér! Hlakka til að lesa meira.

dóra